أنت لست فكرة بسيطة؟

من الطبيعي أننا نفتكر أن الأطفال مش بياخدوا بالهم من حاجات ومش بيفهموا حاجات كثير من التي بتقولها

لأننا كبار لكن المشكلة أن الحكاية مش كدة خالص

وأن الطفل الصغير عبارة عن صفحة بيضاء بيتنقش عليها كل اللي بنقوله واللي بنعمله

لدرجة أننا ممكن نخلى الطفل ينضج بسرعة أو يدخل مرحلة المراهقة قبل أوانه بسبب سلوكياتنا معاه

 

كان سيجموند فرويد رائد التحليل النفسي  بيقول إن أهم سنوات في عمر الطفل هم الخمس سنوات الأولى لأنهم فيها بيتشكل أساس الطفل

ولان فرويد قسم الشخصية إلى  super ego, ego and ID

Super ego هو اللي بيبقى جواه الضمير والمبادئ التي بيعتنقها الفرد بتتكون منذ الطفولة بدءا من الوالدين

وزى ما بيقول فرويد إن الطفل يبدأ يدمج الوالدين بصورة جواه يعنى يدمجهم جواه

ثم يحدد الصواب والخطأ من خلال القيم اللي اعتنقها التي أساس تشكيلها هما الأب والأم

و الطفل ليس مثل ما احنا فاكرين إنه لما يكون يلعب أو مندمج في لعبة ما أو غير مهتم بالذي يحدث هذا ليس معناه أنه مش فاهم الذي يدور حوله

الطفل يسجل كل حاجة بتحصل حتى لو مش فاهمها دلوقتى لما يفهم المعنى العام لما يكبر يسترجع الأحداث من جديد

بسبب ذلك الطفل يوصله إذا كان والده أو والدته يضربوه علشان مصلحته لان في حاجة اسمها ضرب بحب وهى أنى بضربك علشان مصلحتك بضربك علشان بحبك وأتمني أن تكون ممتاز بضربك علشان أعلمك , مش بضربك علشان أنا مكبوت ونفسي اطلع كبتي أو افرغ عن نفسي من خلالك او زى ما بنقول بالبلدي كدا (يفش غله فيه)

نستنتج من ذلك فأي ألفاظ بتقولها قدام الطفل أو أفعال أو سلوكيات بعملها هو بيسجلها عنده حتى لو مش فاهمها دلوقتى

لان الطفولة مرحلة استكشاف ما يدور على معاني للمواقف

يعنى أنت ماتستغربش لما تلاقى إبنك طالع عصبي هي مش شرط أنها تكون جينات وراثية إنما في حاجة اسمها جينات اجتماعية زى ما بيمسوها علماء الاجتماع وهى إن الطفل بيكتسب منك كل حاجة لأنه زى مابيقول الفيلسوف جون دوى  إن الطفل بيولد مثل الصفحة البيضاء وأننا ننقش عليها أو بنكتب عليها اللي إحنا عايزينه

وكان ديل كارنيجى بيضرب مثال قبل ذلك بخالته وواحدة ثانية كانت جيرانهم تقريبا الأولى أولاد أختها كان يحبوا يجيوا ليها كثير وعاوزينها معاهم طول الوقت ويتمنوا رضاها جدا ونفسهم تبقى راضية عنهم أما الثانية فكانت أولاد أختها يبقوا مخنوقين لما ييجوا يزروها ويزروها كل سنة مرة مثلا

لماذا كل ذلك؟

لان الأولى كانت بتعاملهم وهما صغيرين معاملة الكبار تراعى وجودهم وتهتم برأيهم علمتهم من سلوكياتها ما معني شكر وما معني عرفان بالجميل إذا جاتلها هدية مهما كانت صغيرة فهذا  يكفى أن المشاعر الايجابية وراها وعلمتهم ما معني شكر ما معني رد الجميل بتفتخر بيهم في كل مكان

طبعا على عكس الثانية التي  كانت تشعرهم أنهم مقصرين دائما كمان تلك كانت سلوكيات إكتسبوها منها وهما صغيرين

لأنهم مافيش مرة وجدوا أنها بترد الجميل أو بتشكر حد ...الخ)

بسبب ذلك خلى بالك طفلك مرآه لأفعالك خلى بالك من الألفاظ اللي بتقولها خصوصا الألفاظ  التي تسجل في عقل الطفل سواء كانت كلمة أو صورة

يكون الطفل عقله زى الرادار إذا جاز التشبيه يلقط كل معنى وكل لفظ غريب عنه أو مش فاهمه

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

zakidz